Şri-Lankadağı höcümnärne yasawçı oyışma
Anıñ cirle suğışçan törkem buluın alğa sörälär
Şri-Lanka xökümäte kiçä ildä 8 noqtada oyıştırılğan şartlawlarda xalıqara yärdäm aluçı cirle suğışçan törkemne ğayepläde. Matbuğat çaralarındağı xäbärlärgä qarağanda, sälamätlek saqlaw ministrı häm xökümät süzçese Radjita Senaratne höcümnärneñ cawaplılığı “Milli täwxid cämğıyäte”ndä buluın beldergän. Ul oyışmanıñ höcümnärne xalıqara cinayät’ çeltäre yärdäme belän başqaruın farazlıy.
Şri-Lanka däwlät citäkçese apparatınnan yasalğan belderüdä isä höcümnärneñ tışqı êlemtälären açıqlaw öçen başqa illärdän yärdäm sorayaçaqları äytelä.
Şul uq waqıtta, xökümätneñ höcümnän alda pasxa waqıtında ildä terrorçı ğamälläre bulacağı xaqında 3 tapqır kisätelüe turında süzlär bar.
Hindstan matbuğatı Şri-Lanka xökümäteneñ 4nçe aprel’dä ber dus ilneñ üzlären kisätüen raslawı turında söyli. Älege dus ilneñ Hindstan buluı farazlana.
Şri-Lanka telekommunikaśiyälär ministrı Xarin Fernando şäxsi Twitter xisabında ilneñ poliśiyä idaräse başlığı urınbasarı imzası quyılğan 11nçe aprel’ datalı küzläw oyışması xisabınıñ fotoräsemen urtaqlaştı. Anda “Milli täwxid cämğıyäte” dip ataluçı oyışmanıñ pasxa bäyrämendä ildäge katolik çirkäwlärendä häm Angliyä yuğarı wäkillegendä çaralar xäzerläwe turında mäğ’lümat birelä. Fernando wäqalätle zatlarnı dokumentnı iğ’tibarğa almawda ğayepläde.
Kisätülärneñ soñğısınıñ isä höcüm bulğan könne irtänge säğat’lärdä, bombalar şartlarğa 10 minut qalğaç suğışçılar tarafınnan yasaluı alğa sörelä.
Bäyläneşle xäbärlär
Franśuz diplomatları persona non-grata itep iğlan itelde
Burkina-Faso 3 franśuz diplomatın persona non-grata itep iğlan itte