“Yılnıñ iñ täêsirle 100 iseme”

Amerikanıñ “Taym” jurnalı “Yılnıñ iñ täêsirle 100 iseme”n açıqladı. Anda bıyıl liderlar kategoriyäsendä AQŞ ilbaşı Donal’d Tramp, Yaña Zelandiyä xökümäte räise Jasinda Ardern, Paqıstan prem’yerı İmran Xan, Malayziyä xökümäte räise Maxatxir Möxämmät alda bara.  

N’yu-Djersinıñ êlekkege mêrı cömhüriyätçe Kris Kristi Trampnıñ isemlekkä kerüe xaqında bolay dide: “Här zamança AQŞ ilbaşı dön’yağa täêsir itärgä tırışır. Tramp monı NATO däwlätläreneñ ğadel tüläw yasamawlarına qarşı çığıp, Qıtay häm başqa Tön’yaq Amerika kürşelärebezne tağın da ğadel säwdä kileşülärenä mäcbür itep häm İran belän atom-töş kileşüennän çığıp başqardı.”

İlendä ike mäçetkä bulğan terrorçı höcümennän soñ totqan poziśiyäse belän isemen bik yış telgä alırğa mäcbür itkän Yaña Zelandiyä xökümät räise Jasinda Ardern - isemlektä küzgä bärelep toruçı tağın ber lider.  

London xakimiyäte başlığı Sadık Xan anıñ turında bolay di: “Höcümnärdän soñ Ardernnıñ liderlığı barıbızğa ilham buldı. Barı tik qoral kontrole mäs’äläsendä tiz arada çaralar kürü belän genä qalmadı, şul uq waqıtta, böten dön’yağa urtaq qıymmätlärebez xaqında köçle yullama cibärde. Bezne bülärgä mataşuçılarnıñ berqayçan da uñışqa ireşmäyäçägen, Yaña Zelandiyäneñ härwaqıt törlelegen, açıqlığın saqlayaçağın häm şunıñ belän bäxetle bulacağın belderde.”

İzrail xökümäte räise Bin’yamin Netan’yaxu häm Venesuêladağı oppoziśiyä başlığı Xuan Guaydonıñ da isemlektä urın aluı iğ’tibarnı cälep itä.