Portugaliyada tur avtobusı äylände

Portugaliyaneñ Madeyra utrawında alman turistları utırğan tur avtobusınıñ ӓylӓnüe nӓticӓsendӓ 29 keşeneñ ğomere özelde.

Portugaliya matbuğatı Madeyra utrawınıñ cirle citӓkçelek çığanaqlarına tayandırğan xӓbӓrendӓ Caniço şӓhӓrendӓ alman turistları utırğan avtobusnıñ yuldan çığıp, ber öy östenӓ kilep töşüe belderelde.

Santa Kruz şӓhӓr xaqimiyӓte başlığı Filipe Sousa RTP3 televideniye kanalına yasağan açıqlawında hӓlakӓttӓ 11e ir-at, 18ese xatın-qız belӓn barlığı 29 alman turistınıñ yaqtı dönyadan kitüen, portugaliyale avtobus yörtüçese hӓm êkskursovodnıñ ciñelçӓ yaralanuın citkerde.

Portugaliya dӓwlӓt başlığı Marselo Rebelo de Sousanıñ qazadan soñ Madeyra utrawına kitüe açıqlandı.

Madeyra utrawında 2005 yılda barlıqqa kilgӓn yul hӓlakӓtendӓ dӓ 5 italiyan turist ülgӓn ide.