Parijdağı yanğınnıñ säbäbe

Franśiyädä Parij prokurorı Remi Xeyś Notr-Dam kafedralendä kiçä çıqqan yanğınnıñ qaza bulu ixtimalında toruların häm ut törtü oçrağı bularaq qaramawların belderde. Anıñ äytüençä, älegä tögäl säbäp bilgele tügel. Ul monı açıqlaw öçen qullarınnan kilgänne êşläyäçäklären söyläde.  

Remi Xeyś 856 yıllıq tarixi qorılmada tözekländerü çaraları uzdıruçı şirkätlärneñ xezmätkärlärennän soraw alınuın äytte. Kiçä kafedral’dä çıqqan yanğında 93 metr biyeklegendäge manaralarnıñ berse häm qorılmanıñ tübäse tulısınça işelde.