İndoneziyada su basu fäläkäte

İndoneziyanıñ Könbatış Yava vilayätendä küzätelgän su basu fäläkätendä 24 meñ 813 keşe zıyan kürgän.

Afät idaräse agentlığı süzçese Sutopo Purvo Nugroxo älege vilayät’tä urnaşqan Bandung qalasında 700 keşeneñ imin ışanıçlı urınnarğa küçerelüen beldergän.

Süzçe beldergänçä, tabiği afät 8 meñ 271 binağa zıyan salğan.

Nugroxo 22 nçe aprel’gä qadär töbäktä ğadättän tış xäl iğ’lan itelüen ,su basuda zıyan kürüçelägä yärdäm kürsätüneñ däwam itüen citkergän.

Uzğan ay Papua vilayätendäge su basu fäläkätendä 100 dän kübräk keşeneñ ğomere özelgän bulğan.

Tropik klimatqa iyä bulğan İndoneziyada yıl külämendä köçle yawım-töşemnär küzätelü säbäple bik yış su basu häm cir şuışular barlıqqa kilä.