Aljirda ilbaşı saylawı uzaçaq

Saylaw köne bularaq 4 iyul' bilgelände

1181036
Aljirda ilbaşı saylawı uzaçaq

Aljirnıñ waqıtlıça dӓwlӓt başlığı Abdulkadir bin Salix ilbaşı saylawınıñ 4 iyul’ könne uzaçağın citkerde.

İlbaşı idarӓsennӓn yasalğan yazma açıqlawda ilbaşı saylawınıñ 4 iyul’ könne ütkӓrelӓçӓge hӓm Bin Salixneñ saylaw şurasın wazifağa çaqıruı belderelde.

İldӓ 20 yıl buyı citӓkçelektӓ bulğan hӓm törle sӓlamӓtlek problemaları küzӓtelgӓn 82 yӓş’lek Abdülaziz Buteflika 18 aprel’ könne uzuı planlanğan saylawlarnı kiçektergӓn ide.

İlbaşınıñ wazifada qaluına qarşı oyıştırılğan protest çaralarınnan soñ armiyaneñ dӓ süzle kisӓtülӓre belӓn Buteflika 2 aprel’dӓ wazifasınnan kitte.

Annan soñ Millӓt komissiyase başlığı Abdulkadir bin Salix parlamentta uzğan utırışta waqıtlıça ilbaşı bulıp saylanğan ide.
 



Bäyläneşle xäbärlär