Putin - Netanyaxu söylӓşüe

Rusiyӓ Federaśiyase dӓwlӓt başlığı Vladimir Putin İzrail prem’yer-ministrı Binyamin Netanyaxu belӓn başqala Mӓskӓwdӓ küreşep söylӓşte.

Kreml’dӓn yasalğan açıqlawğa kürӓ Putin-Netanyaxu söylӓşüendӓ Rusiyӓ tarafınnan tışqı êşlӓr ministrı Sergey Lavrov, prem’yer-ministr yӓrdӓmçese Maksim Akimov, Kreml’neñ tışqı sӓyasӓt kiñӓşçese Yuriy Uşakov, Rusiyӓ Ğomüm ştab başlığı Valeriy Gerasimov qatnaştı.

İzrail tarafınnan isӓ İzrailneñ Milli iminlek şurası başlığı Meyr Ben-Şabbat hӓm Mossad başlığı Yossi Kohen bar ide.

Putin Rusiyӓ armiyase alıp barğan êzlӓw êşçӓnleklӓrendӓ 37 yıl êlek Livanda Yaqup Soltan toraq punktında suğış waqıtında yuğalğan ber İzrail ğaskӓriye qaldıqların tabuın, qaldıqlarnıñ İzrailğa tapşırılaçağın ӓytte.

Netanyaxu da Putinğa Rusiyӓ armiyaseneñ bu mӓs’ӓlӓdӓge yӓrdӓme öçen rӓxmӓten belderde.