Kraystçerç terrorçısı mäxkämägä kilmäyäçäk
Mäçettä 50 keşene ütergän Brenton Tarrant mäxkämä utırışında videoêlemtä aşa qatnaşaçaq
1177162
Yaña Zelandiyäneñ Kraystçerç şähärendäge Nur häm Linvud mäçetlärendä 50 keşeneñ ğomeren özgän häm 50sen yaralağan terrorçı Brenton Tarrant 50 ayırım üterü häm 39 tapqır üterergä mataşuda ğayeplänep xökem iteläçäk.
Kiläse utırış 5nçe aprel’ comğa köngä bilgelängän.
Brenton Tarrant ilneñ iñ qırıs rejimlı Okland törmäsendäge ber keşelek kamerada totıla. İrtägä bulaçaq utırışqa anıñ turıdan-turı êlemtä aşa qatnaşuı kötelä.
Şul uq waqıtta, jurnalistlar utırış waqıtında mäxkämä zalına kerä ala, ämma tawış yazdıru, video häm fotoğa töşerü tıyıla.
