Yämändä balalarnı bäreleşlärdän saqlaw kileşüe tözelde

Andıy kileşügä Riyadta qul quydılar

1175453
Yämändä balalarnı bäreleşlärdän saqlaw kileşüe tözelde

 

Soğud Ğaräbstanı äydäp baruçanlığındağı koaliśiya köçläre Berläşkän Millätlär Oyışması belän Yämändä balalarnı qorallı bäreleşlärdän saqlaw mäs’älasendä kileşü täêmin itülären belderde.

Soğud Ğaräbstanınıñ räsmi xäbär agentlığı “SPA” beldergänçä, Riyadta koalisiyağa bäyle urtaq köçlär komandirlığı belän BMO ğomum särqätibeneñ qorallı bäreleşlärdä balalarnı saqlaw buyınça maxsus wäkile Virdjiniya Gamba arasında Yämändäge balalarnı tağın da yaxşıraq saqlaw öçen kileşü imzalandı.

Kiläse aydan başlap balalarnı reabilitaśiyäläw öçen xalıqara kereşü başlanaçaq.

Yämändä husilärneñ 24 meñ balanı bäreleşlärdä qullanuı häm bäreleş töbäklärendä bu xälneñ däwam itüe belderelä.

Ozaq waqıt säyäsi totrıqsızlıq xökem sörgän Yämändä husilär belän xökümätkä bäyle köçlär arasında bäreleşlär barlıqqa kilä.  

İldä açlıq, xolera, bäreleşlär häm hawa höcümnäre arqasında keşelek draması küzätelä.

 



Bäyläneşle xäbärlär