Venesuêlada 6nçı aprel'dä xalıq uramğa çığa

Venesuêlada oppoziśiyä 6nçı aprel’ könne demonstraśiyälär oyıştıraçaq. Xuan Guaydo tarafdarların “Bäysezlek operaśiyäse” başlarğa çaqırdı. Däwlät başlığı Nikolas Maduronıñ teläktäşläre dä şul uq könne uramğa çığarğa planlaştıra.

Tarixındağı iñ citdi säyäsi krizis êçendä bulğan ildä ike taraf ta uram çaralarınnan waz kiçmi.

Xakimiyättäge berläşkän sośialist partiyäse räise Diasdado Kabello başqala Karakasta oyıştırılğan matbuğat cıyılışında 6nçı aprel’dä uramğa çığaçaqların belderde. Anıñ äytüençä, bu imperializm qarşında bäysezlekne saqlaw maqsatınnan êşlänä.

Kabello Karakasta êlektr ênergiyäsendä özekleklärdän soñ suütkärgeçlärdä xilaflıqlar barlıqqa kilü säbäple kilep çıqqan rizasızlıqlar xaqında da äytte. Ul qayber mäxällälärdäge protestçılarnıñ başqa töbäklärdän kilüen belderde.