Pol'şada kitap yandıru

Katolik ruxaniye, şul rweşle, sixergä qarşı köräş başladı

1175744
Pol'şada kitap yandıru

İkençe Bötendön’ya suğışınnan soñ Awrupada täwge tapqır xalıq aldında kitaplar yandırıldı. Waqıyğa Pol’şanıñ Gdan’sk şähärendä buldı. Katolik çirkäwe ruxaniye mäydanda kitaplarğa ut törtte. Säbäbe - alarda sixerneñ urın aluı. Bu, yänäse, xristianlıqqa qarşı kilä.  

Yandırılğan kitaplar arasında - dön’yada in küp satılğan äsärlärneñ berse Garri Potter seriyäse dä bar.

Çarada töşerelgän fotolar sośial’ mediada urın alğannan soñ şaw-şu quptı. Uquçılarnın kübese monıñ 1nçe aprel’ şayartuı buluına ömetlänüen äytä.  Kemnärder Urta ğasırlardağı inkviziśiyäne xäterlätte. “Monnan soñğı êtapta beräwlärne sixerçe dip yandıraçaqlarmı?”-dip tä soradılar. Şulay uq, “Tizdän täre poxodları da başlanır,”- farazı iğ’tibarnı cälep itte.  

Kitap yandıru çaraları Urta ğasırlar Awrupasında bik yış bulğan. Xalıq qarşında kitap yandıru soñğı tapqır faşist Germaniyäsendä terkälde.



Bäyläneşle xäbärlär