Äfganstanda tınıç xalıq ülemnäre
İldä soñğı 1 ayda oyıştırılğan hawa häm bombalı höcümnärdä tınıç xalıqtan 90 keşeneñ ğomere özelgän
1173110
Äfganstanda soñğı 1 ayda oyıştırılğan hawa häm bombalı höcümnärdä tınıç xalıqtan 90 keşeneñ ğomere özelgän, 100 dän kübräk keşe yaralanğan.
Xärbi analitik Atik Rahman 2018 nçe yılnıñ dekabr’ ayında Asadullah Halid saqlanu ministrı wazıyfasına kereşkännän soñ terror oyışmalarına qarşı operaśiyälärneñ artuın beldergän.
Rahman tönge operaśiyälär häm hawa höcümnärendä tınıç xalıq ülemnäreneñ artuına basım yasağan.
Äfganstandağı Berläşkän Millätlär Oyışması wäkilçelege mäğ’lümatlarına kürä, 2018 nçe yıl ildä tınıç xalıq iñ küp üterelgän yıl bulğan.
Taliban häm “DEAŞ” höcümnäre belän bergä Amerika Quşma Ştatları äydäp baruçanlığındağı xalıqara hawa köçläre höcümendä ğadi xalıqtan 3 meñ 804 keşe hälaq bulğan,7 meñ 189 keşe yaralanğan.
