İlçelekne talawçılar Amerikağa qaçqan

Tön’yaq Koreyanıñ Madridtağı ilçelegenä basqında qatnaşuları farazlanuçı qaraqlar Portuğaliyä aşa AQŞqa qaçqan. Alar urlağan dokumentların FBRğa satarğa mataşqan.

22nçe fevral’dä bulğan waqıyğanı tikşerüçe İspaniyä milli mäxkämä sud’yası Xose de la Mata 14 bitle ğayepläw aktı xäzerläde. Anda äytelgänçä, höcümçelär AQŞnıñ N’yu-Djersi ştatında. Alarnıñ FBRğa mäğ’lümat satıp alırğa täq’dim yasawları bilgele.

Amerikadağı ber radionıñ xäbärenä qarağanda, FBR wäkilläre älege mäs’älä belän bäyle sorawlarğa cawap birüdän baş tartqan. Şul uq waqıtta, AQŞ häm İspaniyä mäğ’lümat çaralarında höcümneñ artında Üzäk küzläw idaräse ŚRUnıñ toruı turında farazlar buldı.  

22nçe fevral’dä Tön’yaq Koreyanıñ Madridtağı ilçelegenä basqın oyıştırılıp, êçtäge xezmätkärlärneñ totıq itep alınuı xäbär itelgän ide. Bu yaqınça 4 säğat’ däwam itä. Ber xatın-qız diplomat binadan qaçıp çığa ala häm poliśiyägä xäbär birä. Alar kilep ilçelektäge xälne tikşerä. Ämma xoquq saqçıları êçkä ütügä, garajdan ike maşina zur tizlek belän qaça.