Yupiternıñ Zur qızıl tabı yaqınnan töşerelde
Anı Yunona tikşerenü iyärçene töşerep aldı
AQŞnıñ aviaśiyä häm ğaläm agentlığı NASAnıñ Yupiternı öyränüçe iyärçene Yunona “Zur qızıl tap”nı häm planetanıñ kön’yaq yarımşarındağı başqa atmosfera turbulentlıqların töşerep aldı. Ul 12nçe fevral’dä Yupiter orbitasındağı yulçılığında 17nçe tapqır planetağa yaqınlaştı. Bu xaqta NASAnıñ internet säxifäsendä urın alğan xäbärdä äytelä. İyärçen yaqınayğan waqıtta planetanıñ kön’yağınnan yuğarı çişeleşle fotolar töşerde. Anda “Zur qızıl tap” iseme birelgän özleksez antiśiklon buranı da kürenä.
NASA Yunona töşergän 3 fotonı kollaj räweşendä internetta urtaqlaştı.
Yupiter östendä daimi yuğarı basım töbäge Zur qızıl tap tirä-yünendäge dawıllarnıñ dinamik gorizontal’ xäräkätenä qarşı śiklon formatın saqlıy. Anı berençe bulıp 1664nçe yılda Angliyä astrofiziğı Robert Guk açtı. Zur qızıl tap Cirdän 4 tapqır zurraq mäydannı qaplıy.