Braziliyädä işelgän damba qorbannarınıñ sanı arta

Braziliyäneñ Brumadin’o şähärendä 25nçe ğıynvarda şaxta atıqları böyäseneñ dambası cimerelü säbäple hälaq buluçılarnıñ sanı 212gä citte. Yanğın sünderü törkemnäre cirlektä 2 ay êlek yuqqa çıqqan 93 keşene êzläwne däwam itä.  

İsegezgä töşeräbez, 25nçe ğıynvarda damba işelep, böyädäge 13 million kubometr balçıqlı su tirä-yaqqa cäyelde. Ul şähärgä qadär barıp citte. Brumodin’oda yaqınça 3 meñ keşene êvakuaśiyälädelär. Älege köçle taşqın astında qalıp yözlärçä keşeneñ ğomere özelde. Äle haman tabılmağannar bar. Ülüçelärneñ kübese şaxtada êşläwçelär.