Qunaqxanälärdä - yäşeren kamera

Kön’yaq Koreyada qunaqxanä bülmälärenä quyılğan yäşeren kameralar skandal çığardı

1168084
Qunaqxanälärdä - yäşeren kamera

Kön’yaq Koreyada qunaqxanä bülmälärendä 1600läp mösafirnı yäşeren räweştä töşerep, videosın internetta translyaśiyälägännär. Bu êşne başqaruda şöbhälänep 4 keşene saq astına aldılar.  Alarnıñ il külämendä 30 qunaqxanädäge 42 bülmädä modem, çäç kipterü fenı häm başqa cihazlarnıñ êçenä keçkenä kameralar urnaştıruı açıqlandı.

Ğayeplänüçelär uzğan yıl açqan internet säxifäse aşa 1600dän artıq keşe belän bäyle videolarnı urtaqlaşqan yäisä turıdan-turı êfirda kürsätkän. Alarnıñ şul yul belän aqça êşläwe farazlana.

Yäşeren kameralar belän töşerelgän videolarnı qanunsız cäyelderü - Kön’yaq Koreyada citdi sośial’ problemağa äwerelgän. İl xalqı xökümätneñ bu mäs’älädä tağın da xälitkeç adımnar yasawın taläp itä. Bu nisbättän meñnärçä xatın-qız uzğan yıl demonstraśiyälär oyıştırdı.  



Bäyläneşle xäbärlär