Möselmannarğa konślager’larnı kürsätäçäklär

Avstriyä xökümäte, şul räweşle, yähüdlärne xörmät itärgä öyrätäçäk

Möselmannarğa konślager’larnı kürsätäçäklär

Avstriyädä çiktän tış uñçı xökümät ildäge möselman balaların faşistlar çorındağı yähüd lager’larına alıp barunı mäcbüriläşteräçäk. Êçke êşlär ministrlığınnan yasalğan belderügä qarağanda, uzğan ayda antisemitizm temasına êşçänlek alıp barılğan. Anda möselman balalarınıñ İzrailgä qarata tänqıyt’çel häm tiskäre qaraşta buluları açıqlanğan. Tizdän antisemitizm belän köräş qısalarında çaralar paketı tormışqa aşırıla başlayacağın xäbär itälär.

Belderüdä êçke êşlär ministrı kinäşçese Karolina Êdtstadlernıñ da fikerlärenä urın birelde. Ul törek häm ğaräp balalarında antisemitizm qaraşlarınıñ kürenüen alğa sörä. “Möhacir çığışlı balalarnıñ mäktäp häm belem birü yortlarında antisemitizm belän köräş êşçänlegen arttıraçaqbız,”-di ul.

Êdtstadler, İslam cämäğate häm din däresläre möğallimnäre belän oçraşıp, ildäge möselmannarnıñ konślager’larnı barıp qarawın mäcbüri xälgä kiterergä isäpläwlären dä belderde.



Bäyläneşle xäbärlär