Yaña Zelandiyädä qulğa alular
22 yäş’lek keşe Videofil’mnar häm basmalarnı klassifikaśiyäläw turındağu qanunnı bozuda ğayeplänä
Yaña Zelandiyäneñ Kraystçerç şähärendä ike mäçetkä yasalğan terrorçı höcümneñ küreneşlären sośial’ mediada urtaqlaşuğa bäyläneşle ber keşe saq astına alındı. Cirle matbuğat çaralarında çıqqan xäbärlärgä qarağanda, älege 22 yäş’lek keşe Videofil’mnar häm basmalarnı klassifikaśiyäläw turındağu qanunnı bozuda ğayeplänä. Anı bügen mäxkämä qarşına çığaraçaqlar. Xoquq saqçıları ğayepleneñ kemlege belän bäyle mäğ’lümat birmäde.
Terrorçı höcümnäreneñ videoküreneşlären Facebook, YouTube häm Twitter şikelle sośial’ çeltärlärdä urtaqlaştılar.
Facebook höcümnän soñğı täwge 24 säğat’ êçendä dön’ya buyınça 1 million yarım videonı platformadan beterüen, 1 million 200 meñen isä yöklängän waqıtta bloklawın xäbär itte.
Youtube häm Twitter da videolarnı beterü êşenä alındı.
İsegezgä töşeräbez, Yaña Zelandiyäneñ Kraystçerç şähärendä comğa namazı waqıtında 10 minut aralıq belän ike mäçetkä oyıştırılğan höcümdä 50 keşeneñ ğomere özelde.
Bäyläneşle xäbärlär
Franśuz diplomatları persona non-grata itep iğlan itelde
Burkina-Faso 3 franśuz diplomatın persona non-grata itep iğlan itte