Tarrant advokattan baş tarttı

Yaña Zelandiyädäge mäçetlärgä höcümnärne oyıştırğan Brenton Tarrant advokattan baş tartıp mäxkämädä üz-üzen yaqlarğa qarar qıldı. Sputnik yazğança, keşe üterüdä ğayeplänüçe Tarrantnıñ advokatı Riçard Peters jurnalistlarğa interv’yusında bu xäbärneñ döres buluın belderde.

Peters höcümçeneñ mäxkämäne êkstremistik fikerlären tanıtu maqsatınnan qullanu mömkinlegen dä assızıqladı.

“Ägär utırışnı üz töşençälären söyläw öçen qullansa, mäxkämä moña tüzep tormayaçaq,”-dide ul.

Advokat cinayät’çe xaqındağı farazları belän urtaqlaştı. “Êkstremistik fikerlärgä iyä buluı tışında, Tarrant miña aqılğa zäğıyf’ yäisä awırlıqlar kürgän keşe şikelle toyılmadı,”-dip tasvirladı ul.

Advokat anıñ belän höcüm turında söyläşergä ölgermiçä qala. Şulay da, Tarrantta nindider ükenü yäisä vöcdan ğazabı bilgeläre kürmägän.

Kraystçerç şähärendä 50 keşeneñ ğomeren özgän höcümnärdä töp ğayeplänüçe Brenton Tarrant 5nçe aprel’dä qabat maxkamä qarşına çığaçaq. Aña üterüdän tış başqa ğayepläwlär dä beldereläçäk.

Tarrant belän ber ük könne qulğa alınğan 3 keşeneñ isä höcümnärgä qatışı turında dälil tabılmadı

Yaña Zelandiyä poliśiyä idaräse başlığı Mayk Buş höcümnärne barı tik ber keşe oyıştıruın uylawların äytä.

Maşinasında qoral tabılğanğa qulğa alınğan ber xatın-qız irekkä cibärelde.

Şul uq räweşle totqarlanğan tağın ber ir-atnıñ isä qorallı başqa waqıyğada qatnaşuı açıqlandı. Saq astındağı ikençe ber ir keşe rasaçılıqnı cäyelderüdä ğayeplänä.