Kongoda poyezd yılğağa awdı

Kongo demokratik cömhüriyätendä bulğan timer yul qazasında 32 keşeneñ ğomere özelde. Cirle matbuğat çaralarındağı xäbärlärgä qarağanda, yök poyezdı rel’slardan çıqqan. Anda tovarlardan tış yulçılar da bulğan. Aralarında balalar da küp.

Vagonnarnıñ kübese yılğağa awu arqasında 32 keşeneñ ğomere özelde, 82 keşe yaralandı. Alarnıñ 38neñ xäle ayıruça awır.

Cimereklär arasında êzläw-qotqaru êşläre däwam itä.

Kongo demokratik cömhüriyätendä soñğı 5 atnada öçençe yök poyezdı qaçağa oçrıy. Moña rel’slarnıñ häm vagonnarnıñ bik nıq tuzuı säbäpçe.