Süriyägä 7 milliard dollar

Brüssel'dä dön'yadan Süriyä öçen gumanitar yärdäm cıydılar

1164012
Süriyägä 7 milliard dollar

Bel’giyäneñ başqalası Brüssel’dä oyıştırılğan “Süriyä häm regionnıñ kiläçägenä yardam itü” konferenśiyäsendä älege däwlät häm migrantlar öçen tyaqınça 7 milliard dollar yärdäm yöklämäse yasaldı.

Cıyılıştan soñ Awrupa Berlege komissiyäseneñ gumanitar yärdäm häm krizis idaräsennän cawaplı äğ’zası Xristos Stilianides häm BMO gumanitar êşlär öçen cawaplı gomum särqatib urınbasarı Mark Loukok matbuğat çaralarına açıqlaw yasadı.

Stilianides: “Monda bulğan wäkillärneñ yaqınça 7 milliard dollar yärdäm yöklämäse yasawların belderüem öçen ğorurlanam,”-dide.

Ul, monnan tış, Törkiyä, Yordaniyä häm Livan şikelle süriyälelär öçen här könne teläktäşlek kürsätüçe illärgä räxmäten belderde.

Mark Loukok ta ireşkän näticädän qanäğat’ buluın häm bu yärdämnärneñ millionnarça keşegä barıp citäçägen assızıqladı.

Anıñ äytüençä, konferenśiyä - xalıqara cämäğat’çelekneñ Süriyägä niqadär köçle teläktäşlek kürsätüe ürnäge buldı. “Gumanitar yärdäm tormış qotqarsa häm xäsrätlärne azaltsa da, Süriyädäge krizis çişelmäs. Monıñ öçen säyäsi çişeleş kiräk. Kiläse aylarda bu qısalarda ähämiyätle üzgäreşlär bulacağına ömetlänäbez,”-dide.

Süriyädä 8 yıl barğan watandaşlar suğışı yöz mennärçä keşeneñ ğomeren özde, millionnarça keşene möhacir xälenä töşerde.  

Brüssel’dä 12nçe-14nçe mart könnärendä oyıştırılğan Süriyägä qağılışlı konferenśiyädä 50dän artıq ildän yaqınça 80 wäkil qatnaştı. Törkiyäne anda tışqı êşlär ministrı Mäwlet Çavuşoğlu wäkillek itte.



Bäyläneşle xäbärlär