Qıtayda Boing oçışları tuqtatıldı

Boing 737-8 modele oktyabr’ ayında İndoneziyada, kiçä isä Êfiopiyädä qazağa oçradı häm ike oçraq ta oxşaş problemalar säbäple kilep çıqtı

Qıtayda Boing oçışları tuqtatıldı

Qıtayda Êfiopiyädäge qazadan soñ Boing yulçı oçqıçı qullanuçı firmalarğa oçışlarnı waqıtlıça tuqtatıp toru kürsätmäse birelde.

Qıtay grajdannar aviaśiyäse idaräsennän yasalğan belderügä qarağanda, Boing 737-8 modele oktyabr’ ayında İndoneziyada, kiçä isä Êfiopiyädä qazağa oçradı häm ike oçraq ta oxşaş problemalar säbäple kilep çıqtı. Şul säbäple ildä “kürelmägän iminlek qıyınlıqlarına qarşı çaralar kürü” prinśibı nigezendä cirle waqıt belän kiçke säğat’ 6ğa qadär Boing 737-8 model oçqıçlarnıñ säfärläre tuqtatılıp tora.

Qıtay Amerika federal’ aviaśiyä idaräse häm Boing firması belän êlemtä urnaştıraçaq. Oçış iminlege täêmin itelgännäñ soñ säfärlärneñ qabat başlanacağı belderelde.

Qıtay transport şirkätlärendä 96 danä Boing 737 tiplı yulçı oçqıçı bar.

Kiçä Êfiopiyä hawa yullarının oçqıçı cirgä kilep töşte. Ul Keniyanıñ başqalası Nayrobiğa oçu waqıtında qazağa oçradı häm anda 157 keşeneñ ğomere özelde. Alar arasında 8 Qıtay watandaşı da bar.



Bäyläneşle xäbärlär