Tunista bäbäylär üleme
Älege waqıyğadan soñ ministr wazıyfasınnan kitte
1160351
Tunista ber xastaxanädä 11 bäbäy ülgännän soñ sälamätlek saqlaw ministrı Abdurrauf äş-Şärif wazıyfasınnan kitte. Bu xaqta xökümät räise Yusuf äş-Şahid belderde. Ul älege ülem oçraqları bulğan Är-Rabıta xastaxanäsenä bardı. Şahid waqıyğa belän bäyle tikşerü başlanuın, prokuraturanıñ mäs’äläne yaqınnan küzätep baruın häm êşenä suıq qaraw oçrağı bulsa, cawaplılarnıñ xisap biräçägen belderde. Monnan tış, ul zıyan kürüçe ğailälär belän êlemtädä buluların, alarğa matdi häm psixologik yärdäm birü öçen kürsätmä çığarıluın da äytte.
Tunis sälamätlek saqlaw ministrlığınnan yasalğan belderüdä bäbäylärneñ kannarına infekśiyä êlägüdän ülü ixtimalı alğa çığarıla.