Kardinalnı xökem ittelär

Däğ'wa katolik çirkäwlärendä balalarğa censi bäylänü belän bäyle

1159003
Kardinalnı xökem ittelär

Franśiyä mäxkämäse Lion kardinalı Filipp Barbarinnı balalarğa censi bäylänülärne beldermäwe öçen xökem itte. Anı 6 ayğa şartlı räweştä iregennän mäxrüm ittelär.  

Kardinalnı üz yeparxiyäsendä 1980nçe-1990nçı yıllarda ber ruxaninıñ balalarğa censi bäylänüe turındağı süzlärne iğ’tibarğa almaw häm wäqalätle organnarğa beldermäwdä ğayeplädelär.

Lion kardinalı Filipp Barbarin, şulay itep, Franśiyädä katolik çirkäwendä älege cinayät’ öçen xökem itelgän iñ yuğarı däräcäle ruxani buldı.

Utırışta qatnaşqan “La Parole Libérée” cämğıyäteneñ tözüçese Fransua Devo mäxkämä qararın balalarnı saqlaw yulındağı ciñü bularaq bäyäläde. “Bu qarar qıyırsıtıluçılarnıñ tawışı işetelüen dälilläwçe küreneş buldı,”-dide ul.

Kardinalnıñ advokatları qararğa qarşı çıqtı häm apellyaśiyägä biräçäklären belderde.   



Bäyläneşle xäbärlär