Tıyılğan oyışmalarnıñ mäçet hm mädräsäläre tartıp alındı
Paqıstanda terrorçılıq belän köräş qısalarında külämle çaralar oyıştırıla
1158228
Paqıstandağı tıyılğan oyışmalarğa bäyle mäçet häm mädräsälär ilneñ Waqıflar idaräsenä tapşırıldı. Cirle mediadağı xäbärlärgä qarağanda, älege çara terrorçılıq belän köräş öçen xäzerlängän milli plan qısalarında tormışqa aşırıla.
Älege oyışmalarğa Waqıflar idaräse tarafınnan imam häm mädräsä uqıtuçıları atanaçaq. Êçke êşlär ministrı Şähriyar Afridi bu mäs’älä turında sośial’ media xisabınnan belderü yasadı. “Tıyılğan oyışmalarğa qarşı operaśiyälärebez maqsatlarıbızğa ireşkängä qadär baraçaq. Prośessnı tizlätü öçen êşçänlegebez däwam itä,”-dide ul.
Paqıstanda kiçä Cäyş-i Möxämmät oyışmasına qarşı operaśiyä oyıştırıldı häm anıñ liderı Mäsud Azharnıñ bertuğanı belän ulın da kertep 44 keşe saq astına alındı.
