Altın şaxtasındağı ülem

İndoneziyäneñ Tön’yaq Sulawesi töbägendä 26nçı fevral’dä şaxta cimerelü säbäple ülüçelärneñ sanı 16ğa citte. Milli afät waqıtlarında idarä itü agentlığı süzçese Sutopo Purvo Nugroxo beldergänçä, cir astında äle xaman niçä keşe qaluı tögäl bilgele tügel. Şuna kürä, ülüçelärneñ sanı artırğa mömkin.

Waqıyğa Bakan awılında qanunsız altın şaxtasında buldı. Anda cir ubılıp êşçelär tufraq astında kümelep qaldı. Qazıp çığarılğan üle gäwdälärneñ kemlegen açıqlap ğailälärenä tapşırdılar. Êzläw-qotqaru êşläre 11nçe martqa qadär däwam itäçäk.

Şaxtanıñ cimerelüe tunnel’däge teräklärneñ sınuı arqasında kilep çıqqan.