268 gramm bulıp tuğan bäbäy üste
Yaponiyädä tabiblar 24 atnada tuğan sabıynı saqlap qaldı
Yaponiyädä avgust ayında 268 gramm awırlığında dön’yağa kilgän bäbäyne xastaxanädän çığardılar. Änise 24 atnalıq awırlı waqıtta aşığıç räweştä operaśiyä östälenä salına. Bäbäyne yarıp alalar. Tuğannan soñ bäläkäç 5 ay buyı Tokioda Keio universitetı xastaxanäsendä reanimaśiyädä yata. Anı dön’yada bu qadär keçkenä xäldä tuıp häm sälamät räweştä öyenä qaytarıp cibärelgän täwge ir bala dip atıylar. Sabıy xastaxanädän çıqqanda 3 kilo 200 gramm awırlığında bula häm ğadäti bäbäylär şikelle tuqlana. Änise: “Döresen genä äytkändä, bu qadär üsüe öçen şatlanam. Äle isän qalaçağınnan şöbhälänä idem,”-dip söyli.
Keio universitetı xastaxanäsennän belderülärençä, Yaponiyädä 1 kilodan ciñelräk tuğan bäbäylärneñ isän qalu mömkinlege 90%, 300 grammnan da keçkenä bulıp tuğannarnıñ isä - 50%.
Citlekmiçä tuğan ir bäbäylärneñ isän qalu däräcäse qızlarnıqınnan tağın da tübänräk.