Berläşkän Ğaräp Ämirlekläreneñ ğaläm yulçılığı

İl bıyıl ğalämgä täwge astronavtın cibäräçäk

1152104
Berläşkän Ğaräp Ämirlekläreneñ ğaläm yulçılığı

Küp yıllar ğaläm êşçänlegen investiśiyälägän Berläşkän Ğaräp Ämirlekläre täwge astronavtın 25nçe sentyabr’dä ğaläm yulçılığına cibäräçägen xäbär itte. Räsmi mäğ’lümatlarğa qarağanda, ike kandidat Hazza äl Mansuri häm Sultan Näyadidän berse Rusiyäneñ Soyuz raketası belän oçırtılaçaq.

Astronavtlar Rusiyädä öyränülär uzıp qayttı. Alarnı Berläşkän Ğaräp Ämirlekläreneñ täxet prinśı häm ilneñ ğaläm üzäge räise Xamdan bin Moxammäd bin Raşid Äl Maktum qabul itte.

Bügenge belderüdä, asılında, ğalämgä kitäse astronavtnıñ iseme äytelüne dä köttelär. Ämma wäqalätlelär barı tik oçırtu tarixın birü belän çiklände.  

İl tarixına keräçäk isemneñ may ayında açıqlanuı kötelä. Bu wazıyfa öçen saylanmağan astronavtnıñ kiläçäktä başqa proyektta qatnaşaçağı belderelde.  

Farsı qultığınıñ bay däwläte täwge cirle yasalma iyärçene Xalifäsatnı Yaponiyädäge Tanegaşima ğaläm üzägennän oçırdı.

Berläşkän Ğaräp Ämirlekläre, monnan tış, 2117nçe yılda Marsta täwge keşe cirläşü urını tözergä planlaştıra.



Bäyläneşle xäbärlär