Tramp Nobel' Tınıçlıq bülägen alaçaqmı?
Tramp Şinzo Abeneñ üzen namzӓt itep kürsӓtüen açıqladı
Amerika Quşma Ştatları dӓwlӓt başlığı Donal’d Tramp Yaponiya prem’yer-ministrı Şinzo Abeneñ Tön’yaq Koreya belӓn diplomatik dialognı başlatudağı role öçen üzen Nobel’ Tınıçlıq bülӓgenӓ namzӓt itep kürsӓtüen açıqladı.
Tramp Aq Yortta oyıştırğan matbuğat oçraşuında fevral’ ayında Tön’yaq Koreya liderı belӓn V’yetnamda ütkӓrӓçӓk söylӓşügӓ qarağan sorawğa cawabında Yaponiya prem’yerı Abeneñ üzen Yaponiya isemennӓn Nobel’ Tınıçlıq bülӓgenӓ kandidat itep kürsӓtüen anlattı.
Tramp beldergӓnçӓ Abe bülӓkne tapşıruçı Norvegiya Nobel’ komitetına cibӓrgӓn tӓqdim xatınıñ küçermӓsen üzenӓ citkerde.
Şul arada Yaponiya citӓkçelege Şinzo Abeneñ Trampnı namzӓt itep kürsӓtüen döres dip beldermӓde. Yaponiya tışqı êşlӓr ministrlığı Tramp açıqlawın işetülӓren, lӓkin Abe belӓn Tramp arasındağı dialognıñ neçkӓleklӓre mӓs’ӓlӓsendӓ mӓğlümat birmӓyӓçӓklӓren citkerde.