Suğışlar iñ küp balalar tormışına yanıy

Bu xaqta xalıqara yärdäm oyışması “Save the Children” äzerlägän xisapta belderelä

1146276
Suğışlar iñ küp balalar tormışına yanıy
yemen.jpg

 

2013-2017 nçe yıllarda bäreleşlär däwam itkän 10 ildä 550 meñe bäbilär bulu belän bergä 5 yäş’tän keçeräk kim digändä 870 meñ balanıñ ğomere özelüe farazlana.

Xalıqara yärdäm oyışması “Save the Children” äzerlägän xisap suğışlarnıñ iñ küp balalar tormışna yanawın kürsätä.

”Balalarğa qarşı suğışnı tuqtatığız” isemle xisapqa kürä 2010 nçı yıldan birle bäreleş töbäklärendäge balalar sanı 37%qa artqan.

 Şu uq däwerdä balalarğa qarata ülemçel höcümnär häm balalarğa qoral birü oçraqları da 174%qa artqan.

Mäğ’lümatlardan kürengänçä, 2017 nçe yılda 420 million bala bäreleşlär töbägendä yäşägän.

Bu annan êlekke yıl belän çağıştırğanda 30 millionğa kübräk.

Bala xoquqların bozu oçraqları 2010 nçı yılda 10 meñnän azraq bulğan bulsa,2017 nçe yılda 25 meñne uzıp kitep rekord quyğan.

Suğış näticäsendä azıq-tölek citmäw, açlıq, mediśina xezmätlärennän faydalana almaw ,humanitar yärdämgä ireşä almaw balalarnıñ ğomerläre özelüdäge iñ möhim faktorlar bulıp tora.

“Save The Children” citäkçese Paul Ronalds köç ğawğasınıñ töp qorbannarınıñ balalar buluın tübändäge süzlär belän açıqlıy:”Bäreleşlärdä ülgän 1 suğışçı öçen 5 ğayepsez balanıñ ğomere özelüe oyatqa qalırlıq xäl”.

Xisapta urın alğan illärdän Yämändä suğış başlanğannan birle 5 yäş’tän keçeräk 85 meñ bala çirläw yäisä açlıqtan can birgän.

11 millionnan kübräk bala aşığıç yärdämgä moxtac.

Berläşkän Millätlär Oyışması beldergänçä, dönyada 10 minutta 5 yäş’tän keçeräk 1 balanıñ açlıq kebek buldırmıy qalu mömkin bulğan säbäptän ğomere özelä.

2 million balağa isä citärlek däräcädä tuqlana almaw säbäple ülem yanıy.



Bäyläneşle xäbärlär