Parijda 3600dän kübräk keşe uramnarda yäşi
Monı tikşerü näticäläre kürsätkän
Franśiya başqalası Parijda 3600dän kübräk keşe uramnarda yäşi.
Parij şähär xakimiyäte 7 nçe fevral’ tönendä şähär uramnarında häm metrolarda ütkärelgän öysez keşelärne bilgeläw tikşerüeneñ näticälären urtaqlaşqan.
Mondıy tikşerü Parijda ikençe tapqır ütkärelgän.
Tikşerü kürsätkänçä,başqalada 2232 keşe uramnarda,751 keşe vokzallarda ,metro stanśiyälärendä ,avtoparklarda häm xastaxanälärneñ aşığıç yärdäm büleklärendä,639 keşe urman häm baqçalarda yäşi.
Uzğan yıl ütkärelgän tikşerüdä isä 3 meñgä yaqın keşeneñ uramnarda yäşäwe bilgelängän bulğan.
Uzğan yıl uramnarda yäşäwçe 18 öysez keşe törle säbäplärdän hälaq bulğan.
Franśiya ilbaşı Êmmanuel Makron 2017 nçe yılnıñ cäyendä “2017 nçe yıl azağına qadär uramda yäşäwçe keşe qalmayaçaq” dip wäğ’dä itkän ide.
