Uqıtuçılar êş taşladı

Amerika Quşma Ştatlarında 4 meñnän artıq uqıtuçı êş taşladı. Kolorado ştatınıñ Denver şähärendä möğallimnär tözegän hönärçelek berlege belän mäktäp idaräläre arasında xezmät xaqların bilgeläw öçen söyläşülär näticä birmäde. Şähärdäge 4 meñnän artıq uqıtuçı çarada qatnaşa. Däreslärne idaräçelär häm östämä uqıtuçılar alıp bara. Êş taşlaw arqasında Denvernıñ mäktäpkäçä belem birü yortlarındağı 5 meñ balanıñ däresläre ğamäldän çığarıldı. Qayber mäktäplärdä uquçılar da uqıtuçılarına teläktäşlek yözennän rizasızlıq çarasına çıqtı.

Şähärdä möğallimnär soñğı 25 yılda täwge tapqır êş taşlıy.