İzrail ğaskärläre Yordannıñ könbatış üzänlegendä fälästinlelärne qulğa alğan

 İzrail ğaskärläre basıp alınğan Yordannıñ könbatış üzänlegendä 22 fälästinlene qulğa alğan.

İzrail  armiyäse alarnıñ terror waqıyğalarında qatnaşuların alğa sörgän.

Qulğa alınğan fälästinlelärneñ soraw alu öçen töbäktäge qulğa alu üzägenä cibärelüe belderelä.

İzrail’ köçläre basıp alınğan Yordannıñ könbatış üzänlege häm Könçığış Qudüstä öylärdä bik yış tentü ütkärep  törle däğ’walar belän fälästinlelärne qulğa ala.

Yordannıñ könbatış üzänlege häm Könçığış Qudüstä ğadäti xälgä awerelgän qulğa alularda aralarında xatın-qızlar häm balalar da bulğan fälästinlelärneñ qayberläre könnär buyı qulğa alu üzäklärendä totıla.

Fälästin räsmi çığanaqlarına kürä ,İzrail törmälärendä yaqınça 6000  fälästinle utıra.Alarnıñ 270e balalar.

 İzrail “administrativ saq astına alu” iseme astında küzläw oyışması mäğ’lümatlarına nigezlänep fälästinlelärne 1 aydan alıp 6 ayğa qadär saq astına ala.

Saq astına alınğan keşeneñ İzrailneñ iminlegenä qurqınıç tudıruı turında qarar çıqqan oçraqta xärbi sud’ya saq astında totu waqıtın 5 yılğa qadär ozınayta ala.