Yaña Zelandiyädä yanğın

Yaña Zelandiyä Kön’yaq utrawındağı Nelson şähäre yänäşäsendä urman yanğını çıqtı. Cirlektä ğadättän tış xäl iğ’lan itelde.

Cirle mäğ’lümat çaraları yazğança, ut yaqınça 1 meñ 780 gektarlıq mäydannı çolğap aldı. Yänäşädäge Kügärçen üzänlegendä 170 yortta yäşäwçelärne êvakuaśiyälädelär.   

Älegä qadär yanğında ülüçelär turında mäğ’lümat yuq. Cirlektäge xaywannarnı imin urınnarğa küçerälär.

Yanğın sünderü oçqıçlarınnan tış 16 boralaq hawadan, awır êş maşinaları cirdän utqa qarşılıq kürsätä.