Yuğalğan keşelär

Meksikada xökümät il külämendä yuqqa çıqqan yaqınça 40 meñ keşene tabu öçen quyıluçı tırışlıqlarğa yärdäm itäçäk. Êçke êşlär ministrlığınıñ keşe xoquqları, migraśiyä häm xalıq öçen cawaplı kiñäşçese Alexandro Ênsinas beldergänçä, älege keşelärne tabu häm şäxeslären açıqlaw öçen êşçänlek arttırılaçaq. Ul ilneñ zur yäşeren qaberlek xälenä kilüen häm Meksika külämendä kem buluı bilgesez 26 meñ cäsäd barlığın söyläde.  

Yuğaluçılarnıñ yaqınça 10nan berseneñ migrant buluı farazlana. Qorbannarnıñ kübese oyışqan cinayät’çel törkemnärneñ tozağına töşkän yäş’lär. Ênsinas bu wäzğıyät’neñ il öçen zur problema buluın assızıqlıy. Uzğan yıl yuğalğan keşelärne tabu öçen tözelgän sistema mart ayında yañartılaçaq häm funkśiyäse kiñäyteläçäk. Monıñ öçen 20 million dollardan artıq aqça bülep birelä.