Niderland säyäsätçese möselman buldı

Anıñ fikere İslamğa qarşı kitap yazğanda üzgärä

1138724
Niderland säyäsätçese möselman buldı

Niderlandta ber säyäsätçe İslamğa qarşı kitap yazğanda fikere üzgärep möselmanlıqnı qabul itte. Yoram van Klaveren berara çiktän tış Bäysezlek partiyäse xalıq ışanıçlısı häm firqadäge ähämiyätle isemnärdän ide. Cirle matbuğat çaraları älege şäxesneñ oktyabr’ ayında möselmanlıqnı qabul itüe turında yaza. Anda äytelgänçä, 39 yäş’lek säyäsätçeneñ İslamğa qarşı tikşerenülär alıp barğan waqıtta fikere töptän üzgärgän. Şunnan soñ ul Klaveren gayremöselmannarnıñ İslamğa qaraşların yuqqa çığaruçı kitap yazdı.

Yoram van Klaveren 2010nçı -2017nçe yıllarda Niderland parlamentında xalıq ışanıçlısı ide. 2014nçe yılda ul Bäysezlek partiyäse liderı Gert Vildersnıñ Marokko çığışlı keşelärgä qarata rasaçıl süzlärennän soñ firqadan ayırıldı. Vildersnıñ isä ul süzläre öçen xökem prośessı däwam itä.
Berara çiktän yış uñçı PVV partiyäsendä bulğan Arno van Doorn da yaqınça 6 ay êlek möselmanlıqnı qabul itte.
 



Bäyläneşle xäbärlär