Peruda qunaqxanä işelde

Perunıñ Tamburko şähärendä ber tuy waqıtında otel’neñ teräk divarı häm tübäse işelüe arqasında kimendä 13 keşeneñ ğomere özelde. Räsmi mäğ’lümatlarğa qarağanda, tantanada yaqınça 100 keşe qatnaşqan. İşelü näticäsendä ülüçelärdän tış, yaralanuçılar da şaqtıy. 30 keşene xastaxanägä iltkännär.

Waqıyğa tönge säğat’lärdä bula. Qazanıñ töbäktä xakimlek itüçe köçle yañğırlar näticäsendä kilep çığuın farazlıylar. Su binanıñ asqormasına zarar birgän bulırğa mömkin. Çönki qunaqxanä ürdä tözelgän. Anıñ teräk divarı damba wazıyfasın başqarıp, balçıq häm qıyalarnı terätep torğan.  

Cimereklär astında qaluçılar bulu säbäple waqıyğa urınında êzläw-qotqaru êşläre däwam itä.