Yanukoviçka törmä cäzası

Êlekke dӓwlӓt başlığı dӓwlӓtkӓ xıyanӓt itkӓne öçen 13 yılğa törmӓgӓ utırtıla

1133322
Yanukoviçka törmä cäzası

Ukrainanıň êlekke dӓwlӓt başlığı Viktor Yanukoviç dӓwlӓtkӓ xıyanӓt itkӓne öçen 13 yılğa törmӓgӓ utırtıla.

Kiyevnıň Obolon töbӓge mӓxkӓmӓsendӓ Yanukoviç xaqında dӓwlӓtkӓ xıyanӓt ğayebe belӓn qaralğan dӓğwada qarar açıqlandı.

Qararğa kürӓ êlekke dӓwlӓt başlığına “dӓwlӓtkӓ xıyanӓt” hӓm “Ukrainağa qarata höcümnӓrgӓ bulışu” ğayeplӓre arqasında 13 yıllıq törmӓ cӓzası birelde.

Ukraina başqalası Kiyevda 2013-2014 yıldağı protestlardan soň ul waqıttağı ilbaşı Yanukoviç Rusiyӓgӓ qaçqan ide.

Yanukoviç dӓwlӓtkӓ xıyanӓt belӓn Ukrainanıň dӓwlӓt çiklӓreneň üzgӓrtelüenӓ qarağan ğamӓllӓrgӓ hӓm Ukrainağa qarata höcümnӓrgӓ bulışu ğayeplӓre belӓn 2017 yılnıň 4 may könne xökemgӓ tartıla başlağan ide.

Bügengӓ qadӓr 89 utırış bulğan mӓxkӓmӓgӓ küp tapqır çaqırılğan Yanukoviç video konferenŝiya aşa bulğan utırışta da qatnaşudan baş tarttı.

Prokuratura êlekke ilbaşınıň 15 yılğa törmӓgӓ utırtıluın talӓp itkӓn ide.



Bäyläneşle xäbärlär