Nayrobidäge höcüm

Keniyäneñ başqalasındağı ber qunaqxanägä kiçä bulğan qorallı häm bombalı höcümdä ülüçelärneñ sanı 15kä citte

1126677
Nayrobidäge höcüm

Keniyäneñ başqalası Nayrobidäge ber qunaqxanägä kiçä bulğan qorallı häm bombalı höcümdä ülüçelärneñ sanı 15kä citte.

Êçke êşläre ministrı Fred Matiang qunaqxanä tiräsendä iminlekneñ täêmin itelüen belderde. Ul tirä-yaqtağı binalardan xalıqnı häm çit il keşelären uñışlı räweştä êvakuaśiyäläwlären söyläde, keşelärne köndälek tormışların däwam itärgä çaqırdı.

Poliśiyä şefı Djozef Boynet isä höcümçelär arasında bulğan ber “canlı bomba”nıñ qunaqxanäneñ kötü zalında üz-üzen şartlatuın äytte. Şunnan son höcümçelär belän poliśiyä arasında bäreleş kilep çıqqan. Bu höcümneñ cawaplılığın Äş-Şäbab terrorçı oyışması üz östenä aldı.

Şunısı iğ’tibarnı cälep itä - bu waqıyğa 2016nçı yılda Somalidağı ber Keniya xärbi bazasına bulğan häm yaqınça 150 soldatnıñ ülemenä kitergän höcüm belän ber ük könne ide.  



Bäyläneşle xäbärlär