İranğa höcüm itü planı

AQŞnıñ Bagdadtağı ilçelegenä sentyabr’ ayında yasalğan höcümnän soñ Milli iminlek şurasınıñ İranğa bärü turında söyläşüe alğa sörelä. Farazlarğa qarağanda, Aq Yort milli iminlek şurası Pentagonnan suğış planı äzerläwne taläp itkän.

Amerikanıñ “Wall Street Journal” gazetınıñ xäbärenä qarağanda, şuranıñ bu taläbe Pentagonnı häm däwlät departamentın borçuğa salğan.  Milli iminlek şurası kiñäşçeseneñ êlekkege yärdämçese Mira Rikardel’ dä Amerika ilçelegenä höcümne “suğış iğ’lanı” bularaq bäyälägän häm ileneñ moña cawap adımnar atuın telägän.

Xäbärdä äytelgänçä, Pentagon, Şuranıñ taläbenä cawap itep, İranğa höcüm plannarın cibärgän.  Ämma Aq Yortnıñ bu mäs’älädä yasalaçaq adımnar nisbätennän êşçänlek alıp barğanmı häm ilbaşı Donal’d Tramp monnan xäbärdar bulğanmı - bilgele tügel.

Pentagon älege temanı açıqlawnı kiräk tapmadı. “Wall Street Journal” gazetı Şuranıñ Ğıyraq häm Süriyägä dä ber ük waqıtta höcüm itü öçen dä xärbi plan taläp itüen yaza.