Robert De Niro Trampka qarşı

Tanılğan aktyer “Gardian” gazetı sorawlarına cawap birde

1120863
Robert De Niro Trampka qarşı

Tanılğan aktyer Robert De Niro Angliyaneň “Gardian” gazetınnan Dêvid Smitnıň sorawlarına cawap birde.

Ul AQŞ däwlät başlığı Donal’d Trampnıň aq tänlelärneň östenlegen yaqlawçı, çın rasaçı buluın äytte.

“Trampnı faşist dip äyter idegezme?” sorawına De Niro tübändägeçä cawap qaytardı: “Başqarırğa telagänen başqarğan bulsa, bu ilneň xäle awırayır ide. Minemçä Gitlerdan kölälär ide. Çönki barısı da kölkele kebek kürengän. Gitler da, Mussolini da, qalğan diktatorlar häm despotlar da kölkele bulğan. Mine başqa närsä borçıy, kiläçäktä Trampnı ürnäk itep alaçaq häm annan täêsirlänäçäk keşelär bulaçaq. Läkin alar tağın da aqıllı häm bik xäyläkär bulaçaq. Kübräk zıyan kiteräçäk keşelär artaçaq. Min moňa borçılam.”

Üktäbr’ ayında N’yu-Yorknıň yuğarı däräcäle citäkçelären, êlekke AQŞ ilbaşları Barak Obama häm Bil Klintonnıň öylärenä bombalı paketlar cibärelde, alarnıň berse Robert De Niro restoranına da cibärelgän ide.

Ul waqiğadan êlek De Niro zängär êkrannarda turı-turıdan kürsätelgän Toni büläklären tapşıru tantanasında AQŞ däwlät başlığı Donal’d Trampka sügenü süzlären äytkän, anıň süzlären ayaqta alqışlağannar ide.

Tramp isä De Niro turında “tübän aqıllı” digän ide.



Bäyläneşle xäbärlär