Gabonda tüntäreleş kereşüe

Gabonda ber törkem xärbi milli radionı qulğa töşerep tüntäreleş yasarğa mataştı

1120498
Gabonda tüntäreleş kereşüe

Könbatış Afrika däwläte Gabonda ber törkem xärbi milli radionı qulğa töşerep tüntäreleş yasarğa mataştı. Alar, radioda çığış yasap, ilbaşı Ali Bongonıñ tärtipsezleklärgä yul açuın söyläde.

Däwlät telekanalı yanında da atu tawışları işetelüen söylilär.  

Qorallı köçlär belderüen radio aşa leytenant Ondo Obiang Kelli uqıdı. Ul berniçä säğat’ êçendä Däwlät tözü şurasınıñ qorılaçağın äytte häm ilbaşı Ali Bongonıñ 31nçe dekabr’däge çığışınnan añlaşılğan xastalığın telgä aldı.

Belderü uqığannan soñ,  leytenant Kelli Cömhüriyät gvardiyäseneñ êlekkege komandirı Ntumpa Lebaninı parlamentqa çaqırdı. Ul säwdä palataları, ictimağıy oyışma wäkilläre häm din êşlekleläreneñ dä cıyılışqa kilü kiräklegen belderde.

Gabon ilbaşı Ali Bongo ozaq waqıt Soğud Ğaräbstanında tın betüdän däwalana ide. Xäzerge waqıtta ul Marokkada xastaxanädä ternäklänü kursı ütä.



Bäyläneşle xäbärlär