Kärküktä basqınnar

Ğıyraqnıñ Kärkük şähäre üzägendä poliśiyä köçläre tarafınnan ike ayırım adresqa ber ük waqıtta oyıştırılğan basqında DEAŞlı 8 terrorçı qulğa alındı. Bu xaqta Kärkük poliśiyä mödirlege matbuğat cawaplısı Afrasyav Kamil belderde.  

Şähär üzägendäge Äl-Kadisiyä rayonında bulğan basqınnarda mıltıq häm şartlatqız matdälär dä qulğa töşerelgän. Afrasyav Kamil äytkänçä, totıqlanğan 8 keşeneñ “yoqlağan küzänäk” dip ataluçı xäzerge waqıtta aktiv bulmağan DEAŞlı ikäne açıqlanğan. Alarnı inde 1 yıl êzlilär. Bu şäxeslärneñ monnan êlek Kärkükneñ kön’yağındağı Xavicä rayonına bäyle awıllarda qayber terrorçılıq ğamälläre qıluları bilgele. DEAŞlılarnıñ şähär üzägendä şartlatular oyıştırırğa äzerlänüläre dä açıqlanğan.  

Kärküktä kiçä terrorçı oyışma DEAŞnıñ 19 keşene urlawı xäbär itelgän ide.

Ğıyraq federal’ poliśiyäse matbuğat cawaplısı Êtir Möxämmät töbäktä yäşerengän terrorçılarnıñ soñğı waqıtta aktivlaşuına iğ’tibarnı cälep itte häm tizdän kiñ külämle operaśiyä başlayaçaqların belderde.