Yalğan xäbärlär yazuçı "Yıl jurnalistı"

“Der Spiegel”dä êşläwçe ber xäbärçeneñ uydırma waqıyğalar häm keşelär turında yazuı açıqlandı

1110491
Yalğan xäbärlär yazuçı "Yıl jurnalistı"

Germaniyäneñ atnalıq xäbär jurnalı “Der Spiegel”dä êşläwçe ber xäbärçeneñ 60 mäqaläsennän 14eneñ yalğan buluı açıqlandı. Şunnan soñ 33 yäş’lek Klaas Relotiy ğariza yazıp êştän kitte.

Jurnaldan yasalğan belderüdä äytelgänçä, xäbärçeneñ ğamäle idaräne şaqqattırğan. Alar uydırma xäbärlär, yalğan kommentariy häm surätläwlär öçen uquçılarınnan ğafu ütende.  

Belderüdä xäbärçeneñ zur külämdä “jurnalist xäyläkärlege” qıluı äytelä. Bu xälne “Spiegel”neñ 70 yıllıq tarixında tübän noqta dip atadılar.

Relotiynıñ êşçänlegen tikşerü öçen êçke komissiyä oyıştırılğan. Jurnalist üze ğamäle öçen ükenüen häm bik oyatqa qaluın beldergän. “Unışqa ireşä almaw qurqusı bik yuğarı ide. Uñışsız bulmaw öçen tağın da kübräk êşlärgä kiräk ide. Min awıru häm yärdämgä ixtiyacım bar,”-dide ul.

Qaçaqlar turında yazğan xäbärläre öçen Klaas Relotiy 2014nçe yılda “Yıl jurnalistı” bülägenä iyä bulğan. Bu ay başında da süriyäle ber yäşüsmer turında yazğan xäbäre öçen Germaniyädä qabat “Yıl jurnalistı” bularaq saylandı.

Relotiy, monnan tış, tağın distägä yaqın zur tirajlı gazetalarğa irekle xäbärçe bularaq mäqalälär yazğan. Xäzer alarnıñ da çınlığın tikşeräçäklär.



Bäyläneşle xäbärlär