Dönyaküläm qaçaqlar kileşüe qabul itelde

Kileşü 181 ilneň xuplawı belän qabul itelde

1108890
Dönyaküläm qaçaqlar kileşüe qabul itelde

Dönyaküläm qaçaqlar kileşüe BMO Ğomüm şurasında qabul itelde.

AQŞ isä qaçaqlar häm alarnı sıyındırğan illär belän yök büleşüneň tağın da ğadel buluın xuplawçı, qaçaqlar problemasın global’ ülçämdä kütärüçe kileşügä qarşı çıqtı.

İke yıl däwam itkän söyläşülärdän son Dönyaküläm qaçaqlar kileşüe BMO Ğomüm şurasında raslandı.

Dönyaküläm qaçaqlar kileşüe 181 ilneň xuplawı belän qabul itelde. AQŞ isä möstäqillek xoquqlarına xörmätneň kürsätelmäwe nigeznamäse belän kileşügä qarşı çıqtı.

AQŞ qaçaqlar mäs’äläsen global’ ülçämdä kütärüçe, xezmättäşlekne täşwik itüçe häm kontrabanda belän köräşüne maqsat itüçe berençe xalıqara kileşü bulğan Dönyaküläm migraŝiya kileşüenä dä qarşı çıqqan ide.

Vengriya da tiskäre tawış birep, kileşügä qarşı buldı.

Dominik Cömhüriyäte, Êritre häm Liviya isä bitaraf qaldı.

BMOnıň Qaçaqlar yuğarı komissariatına kürä bar dönyada 25,4 millionnan artıq qaçaq bar.

Alarnıň öçtän ike öleşe barı tik 10 ildä genä yäşi.

Törkiyädä 3 million yarımnan artıq migrant bar.
 



Bäyläneşle xäbärlär