AQŞta utlı qoraldan ülüçelär sanı rekord däräcädä

Amerika Quşma Ştatlarında şäxsi qoral satıp alu arta, anı qullanunıñ qurqınıç näticäläre awırlaşa.  2017nçe yılda utlı qoraldan ülemnär rekord sanğa citte - 40 meñgä yaqın keşeneñ ğomere özelde. Bu - AQŞta utlı qoraldan ülüçelär terkälä başlağan 1979nçı yıldan birle iñ yuğarı kürsätkeç. Anıñ 60%ı - üz-üzenä qul saluçılar. Uzğan yıl 24 meñ keşe şul yul belän yaqtı dön’yadan kitkän.  

Qoral dähşätenä qarşı öyrätü fondı xalıq sälamätlege tikşerenüläre direktorı Adelin Allçin belderü yasap, atudan uzğan yıl här kön yaqınça 109 keşeneñ ğomere özelüen äytte. “Bu xalıq sälamätlege êpidemiyäse bulğan qoral qullanuğa tiz arada çara tabarğa kiräk. Bu mäs’älä belän bäyle xäräkätkä küçep qoral aluğa qayber qarşılıq kürsätü möhim,”-dide ul.

AQŞta ütkärelgän tikşerenülärgä qarağanda, amerikalılarnıñ yaqınça 40%ı yä qoralğa iyä, yäisä yäşägän öyendä qoral bar.