Rusiyӓgӓ çiklӓwlӓr waqıtı ozınaytıldı

Awrupa Berlege çiklӓwlӓrne tağın 6 ayğa ozınaytu qararın qabul itte

1106664
Rusiyӓgӓ çiklӓwlӓr waqıtı ozınaytıldı

Awrupa Berlege Rusiyӓgӓ qarata qullanğan iqtisadi çiklӓwlӓrne tağın 6 ayğa ozınaytu qararın qabul itte.

Moña nigeznamӓ itep Rusiyӓneñ Ukrainanı totrıqsızlaştıruı kürsӓtelde.

Bel’giya başqalası Bryusselda kiçӓ kiç ütkӓrelgӓn Awrupa Berlege Liderları oçraşuı waqıtında Twitterda açıqlaw yasağan Awrupa Berlege Şurası başlığı Donal’d Task Rusiyӓgӓ qarata iqtisadi çiklӓwlӓrneñ 8nçe tapqır ozınaytıluı qararınıñ qabul itelüen citkerde.

Task yullamasında: “Awrupa Berlege Minsk kileşüen ütӓmagӓn Rusiyӓgӓ qarşı iqtisadi çiklӓwlӓrne bertawıştan ozınaytu qararın aldı,” – dide.

Awrupa Berlege Rusiyӓgӓ qarata iqtisadi sankśiyalӓr qararın berençe itep 2014 yılda Rusiyӓ Qırım üzidarӓle Cömhüriyӓte hӓm Sevastopol’ şӓhӓren qanunsız yawlap aluınnan soñ qabul itkӓn ide.



Bäyläneşle xäbärlär