Qıtay ğalime yuqqa çıqtı

Ul 7 parnıñ bäbäylärendä genetikaların üzgärtkän

1101420
Qıtay ğalime yuqqa çıqtı

Qıtayda bäbäylärneñ genetikasın üzgärtüe turında söyläwçe ğalim Xi Cienkuineñ yuqqa çığuın belderälär. Bu älege êşçänlek xaqında mäğ’lümat birgän konferenśiyädän soñ bula. Ğalim anda yasalma orlıqlandırılğan 7 parnıñ êmbrionnarında DNKların üzgärtüen, genetikası tözätelgän igezäk qızlarnıñ bu ayda tuuın söyli. Cirle mäğ’lümat çaraları xäbär itüençä, xalıqara fänni konferenśiyädäge çığışınnan soñ Xi Cienkui başqa kürenmägän häm anıñ qayda buluın bilgele tügel. Ğalimneñ küzätü astında Sin’śzyan  şähärenä alıp kitelüe dä, üze êşli torğan Kön’yaq fän häm texnologiyä universitetınıñ kampusında “öy sağı” astında totıluı da farazlana. Uqu yortınıñ cämäğat’çelek belän êlemtälär bülege süzçese Xinıñ qayda buluı turındağı sorawlarğa xäzerge waqıtta cawap birmäwlären äytkän.

Qıtay fän häm texnologiyä ministrı Şü Nanpiñ 29nçı noyabr’dä cirle televideniyedä: “Bu ay başında tuğan igezäk qız bäbäylärneñ genetikasın üzgärtüdä yärdämçe buluı farzlanuçı tikşerü laboratoriyäseneñ êşçänlege tuqtatıp torıla,”-digän ide. Ul ministrlıqnıñ keşe DNKsına tıqşınuğa kisken qarşı buluın äytte häm fänni törkemneñ täcribälären “qanunsız häm qabul itelmäs” dip bäyäläde. Ministr bu xaqta tikşerü ämere birüen belderde.   

Genetikanı üzgärtü süzläre fän dön’yasında da reakśiyälärgä yul açtı. Bötendön’ya sälamätlek oyışması 3nçe dekabr’dä gennarnı tözätü oçraqların tilşerü öçen törkem töziyäçägen belderde. Genetik yaqtan üzgärtelgän bäbäylärneñ qayda buluı häm ğailäläreneñ kemnär ikäne bilgele tügel.


Etiketlar: #Qıtay , #DNK , #gen

Bäyläneşle xäbärlär