51 kit yarğa çığıp ülde

Äle uzğan atna axırında ğına Styuart utrawında 145, Nortlêndta 10 kit yarğa çığıp hälaq bulğan ide. Xäzer isä Çatem utrawlarında 51 pilot kitnın ülüen xäbär itälär.

Yaña Zelandiyä tabiğat’ne saqlaw xezmätennän belderülärençä, pänceşämbe tönendä, älegä bilgele bulmağan säbäplär arqasında, Xanson qultığında 80-90 kit yarğa atılğan. Alarnıñ 40labı diñgezgä borılıp kerep isän qalğan. 51 däw balıq hälaq bulğan.  Qotqaruçılarnıñ äytüenä qarağanda, kitlar yanına kilgändä 50seneñ inde yäşäw bilgeläre bulmıy. Barı tik berseneñ sulış aluı sizelä. “Ul kitnı qotqaru mömkinlege yuq ide. Qızğanıçqa, êftanaziyä qararı birergä mäcbür buldıq. Bu iñ keşelekle yul ide,”-di qotqaruçı törkemendäge beräw.

Yana Zelandiyädä ber atna êçendä 206 pilot kit yarğa çığıp hälaq buldı.