Tijuanada 9 meñ qaçaq
Şähär xakimiyäte qaçaqlarnı tuyındıra almawları öçen borçıla
Üzäk Amerika illärennän yulğa çığıp Meksikanıñ Baja Kaliforniya töbägendäge Tijuana şähärenä kilgän qaçaqlarnıñ sanı 9 meñgä citte. Äle tağın 2 meñe yulda. Şähär xakimiyäte başlığı Xuan Manuêl’ Gastlum bu qadär keşene sıydırırlıq mömkinlekläre bulmawın belderde. Monnan tış, ul qaçaqlarnıñ daru häm azıq-tölek ixtiyaclarına cawap birä almawların, xökümät yärdäme kiräklegen dä äytte.
Meksika citäkçelege AQŞtan 25nçe noyabr’dä çik buyında bulğan häm bu ilneñ iminlek köçläre tarafınnan gaz yärdäme belän bastırılğan waqıyğalarnı tikşerüne soradı. Üzäk Amerikalı qaçaqlardan ber törkem sıyınu ğarizalarınıñ bik aqrın qaraluı säbäple rizasızlıq çarası oyıştırdı häm ike il arasındağı çik divarın ütärgä mataştı. Näticädä çik buyı qapqası ike yaqlı bularaq ütep yörü öçen yabıldı.
AQŞlı tamğaxanä wäkilläre köndä küp digändä 100 qaçaqnıñ ğarizasın qarıy. Şuña kürä törkemneñ şähärdä aylar buyı kötäçäge farazlana.
